കാരറ്റ് ഇനി വീട്ടിൽ വിളയിക്കാം

ഒരു ശൈത്യകാല വിളയാണ് കാരറ്റ്. അതുകൊണ്ടുതന്നെ കാരറ്റ് കൃഷി ചെയ്യാൻ ഏറ്റവും അനുയോജ്യമായ സമയമാണ് ഈ നവംബർ മാസം. നിങ്ങളുടെ അടുക്കളത്തോട്ടത്തില്‍ തന്നെ ഈ ആരോഗ്യകരമായ പച്ചക്കറി എളുപ്പത്തില്‍ വളര്‍ത്തിയെടുക്കാവുന്നതാണ്.

കാരറ്റ് വിളകള്‍ക്ക് ആഴത്തിലുള്ള അയഞ്ഞ മണ്ണാണ് ആവശ്യം. ഉയര്‍ന്ന ഉല്‍പാദനത്തിന് pH 6.0 മുതല്‍ 7.0 വരെയാകണം. 3 ഇഞ്ച് വ്യത്യാസത്തില്‍ വേണം ചെടികള്‍ നടാന്‍. ആറു മണിക്കൂര്‍ സൂര്യപ്രകാശം ലഭിക്കുന്ന സ്ഥലം വേണം തെരഞ്ഞെടുക്കാന്‍.ഒരു കുട്ട മണ്ണ്, ചകിരിച്ചോറ്, ഒരു കുട്ട ഉണങ്ങിയ ചാണകം, എല്ലുപൊടിയും വേപ്പിന്‍ പിണ്ണാക്കുമാണ് കാരറ്റ് കൃഷി ചെയ്യുമ്പോള്‍ ആവശ്യമായി വരുന്ന വളം. വേണമെങ്കില്‍ പറിച്ചുനടുന്നതിന് മുമ്പ്, തൈകളുടെ വേരുകൾ 5% സ്യൂഡോമോണസ് ഫ്‌ലൂറസന്‍സ് ഉപയോഗിച്ച് മുക്കുക.അഞ്ച് ദിവസത്തില്‍ ഒരിക്കല്‍ വെള്ളമൊഴിക്കണം. വരള്‍ച്ചക്കാലത്ത്, വിത്ത് മുളയ്ക്കുന്നത് മെച്ചപ്പെടുത്തുന്നതിന് വേണ്ടി, വൈകുന്നേരം ജലസേചനം നല്‍കിയ ശേഷം, കിടക്കകള്‍ നനഞ്ഞ ഗണ്ണി ബാഗുകള്‍ കൊണ്ട് മൂടണം .

മണ്ണ് തയ്യാറാക്കുന്ന സമയത്ത് മണ്ണിര കമ്പോസ്റ്റ് പ്രയോഗിക്കുക.
നിലമൊരുക്കുമ്പോള്‍ വേപ്പിന് പിണ്ണാക്ക് പ്രയോഗിക്കുക.
ജൈവവളങ്ങള്‍, അസോസ്പിരില്ലം, ഫോസ്‌ഫോബാക്ടീരിയ എന്നിവ മണ്ണ് തയ്യാറാക്കുന്ന സമയത്ത് ഉപയോഗിക്കുക.


ഏകദേശം പത്തു ദിവസത്തിനുള്ളില്‍ തന്നെ കാരറ്റ് വിത്തുകള്‍ മുളയ്ക്കും. വളര്‍ച്ചയുടെ ഘട്ടങ്ങളില്‍ ഇടയ്ക്കിടയ്ക്ക് വളം ഇട്ടു നല്‍കുന്നത് നല്ലതാണ്. 80-85 ദിവസങ്ങള്‍ കഴിയുമ്പോള്‍ കാരറ്റ് മണ്ണിനു മുകളില്‍ ദൃശ്യമാകാന്‍ തുടങ്ങും. അപ്പോള്‍ നമ്മുടെ ആവശ്യത്തിന് അനുസരിച്ച് പറിച്ചെടുക്കാന്‍ കഴിയും. ഒരുപാടു വെള്ളം ഒഴിച്ചുകൊടുക്കരുത്. ചെറിയ നനവ് മാത്രമേ ആകാവൂ. വെള്ളം കൂടിപ്പോയാല്‍, ഇലകള്‍ വലുതും കായകള്‍ ചെറുതുമാകും.